Rezervo një vend te Ekrani
Ekrani është një bilbord i vetëm brenda Tregu.app, me deri në 20 vende njëkohësisht. Blen një vend në rotacion për një javë ose një muaj: spoti yt luan te muri, te mini-ekrani nëpër kategori dhe te çdo televizor që e mban faqen hapur.
Nuk blen audiencë dhe nuk blen njerëz. Blen vendin — dhe numrat që të tregojmë janë ata që i kemi matur vërtet, ose asnjë.
Çfarë kam të lirë
Dymbëdhjetë javët e ardhshme, secila me vendet që mbeten. Java nis të hënën.
Rrëshqit anashNumri i vendeve të zëna është maksimumi brenda javës, jo mesatarja. Një javë që është e plotë vetëm të hënën nuk është e lirë: rezervimi yt do të përplasej pikërisht atë ditë, dhe kontrolli i kapacitetit do ta refuzonte pasi ti të kishe zgjedhur. Prandaj këtu tregohet dita më e ngarkuar e javës, jo një mesatare që do të dukej më bujare se sa është.
Çmimet
Pesha do të thotë sa herë del brenda një cikli, jo sa lart rri. Ekskluzivi del tri herë — në fillim, në mes dhe në fund — kurrë tri herë me radhë, sepse ajo do të lexohej si ekran i ngecur.
Standard
×1 për cikëlNjë vend në rrotacionin e plotë, gjithë ditën.
25 €për 1 javë
ose 80 € për 1 muaj
- Spot deri në 15 sekonda te rrotacioni i plotë.
- Zgjidh vetë orët e ditës kur luan.
- Del edhe te mënyra TV, te çdo ekran që e mban faqen hapur.
Premium
×2 për cikëlDel dy herë për cikël, dhe herën e parë herët.
45 €për 1 javë
ose 150 € për 1 muaj
- Gjithçka që ka Standardi.
- Del dy herë brenda çdo cikli, në fillim dhe në mes.
- Targetim sipas kategorive ku shet vërtet.
Ekskluziv
×3 për cikëlTri herë për cikël, dhe askush tjetër nga fusha jote.
90 €për 1 javë
ose 300 € për 1 muaj
- Gjithçka që ka Premium-i.
- Del tri herë brenda çdo cikli: fillim, mes dhe fund.
- Ekskluzivitet kategorie — asnjë konkurrent i drejtpërdrejtë në të njëjtën periudhë.
Çmimin e llogarit serveri në çastin e rezervimit, nga këta numra — kurrë nuk i besohet asaj që dërgon shfletuesi. Pra një shifër e ndryshuar te faqja nuk ndryshon asgjë te fatura; ndryshon vetëm ajo që sheh ti derisa të rifreskosh.
Muri i plotë, me radhën e vendeve dhe kontrollet e luajtjes.
Shiriti 21:9 te kryefaqja dhe te faqet e kategorive. Këtu fitohen shfaqjet.
Ekrani i vërtetë te një lokal që e mban faqen hapur gjithë ditën.
Ekrani është i ri. Nuk premtojmë numra që s'i kemi matur — pagesa e javës së parë kthehet nëse shfaqjet janë nën ato që të tregojmë këtu.
Një shfaqje numërohet vetëm kur plotësohen të katërta njëherësh: skeda është e dukshme, të paktën gjysma e kornizës ka qenë brenda pamjes, për të paktën një sekondë të pandërprerë, dhe videoja ka luajtur vërtet të paktën dy sekonda — jo vetëm posteri.
Një rifreskim nuk është shfaqje e re: vizitori njihet nga një hash javor i pakthyeshëm, jo nga një cookie dhe jo nga llogaria. Krahas shfaqjeve merr çerekët e luajtjes — sa prej tyre e shohin spotin deri në fund — dhe klikimet. Ditët me më pak se tre shikues të dallueshëm shfaqen si «< 3», sepse një numër i vogël i ndarë hollë kthehet në person.
Çfarë targetojmë
Nuk të japim njerëz. Të japim vendin ku ata po kërkojnë atë që shet ti.
Zgjedh kategoritë ku del spoti — p.sh. vetëm te veturat. Kaq. Nuk ka targetim sipas personit, qytetit, historikut apo pajisjes: platforma nuk mban profile vizitorësh dhe nuk vendos asnjë cookie reklamash.
Kjo nuk është mungesë veçorie, është zgjedhje. Për një shitës vendor kategoria vlen më shumë se një audiencë e sajuar: një sallon veturash do të dalë te faqja e veturave, jo te «meshkuj 25–34».
Mund ta kufizosh spotin te disa orë të javës — p.sh. një restorant që s'do të dalë në orën 03:00.
Kujdes te një gjë: kufizimi i orëve nuk e liron vendin dhe nuk është zbritje. Vendi mbetet yti gjithë periudhën; ti thjesht zgjedh të mos dalësh në disa orë. Po ta ndanim një vend mes dy reklamuesve sipas orarit, numri lart nuk do të verifikohej dot më nga askush.
Specifikimi i skedarit
Kopjoje dhe çoja atij që të bën spotin. Nuk ka transkodim: skedari pranohet ashtu siç është ose refuzohet me udhëzim se çfarë të ndryshosh te eksporti.
MP4, H.264 (High/Main, 8-bit, yuv420p), audio AAC ose pa audio, 1920×1080 ose 1280×720, raport 16:9, deri 15 sekonda, deri 2,5 Mbps, deri 8 MB.Fjala yuv420p nuk është pedanteri. Një eksport 10-bit ose 4:4:4 luan te Chrome-i i desktopit dhe jep ekran krejt të zi te iPhone-i, pa asnjë gabim — pra spoti do të dukej i rregullt te ti dhe nuk do të ekzistonte fare te gjysma e njerëzve që i paguan. Nëse spoti ka të folur, titrat duhet të jenë të ngulitura në video.
Si bëhet rezervimi
- 1
Na shkruaj
Hap një tiketë te suporti ose telefono. Thuaj çfarë shet, në cilat kategori do të dalësh dhe cilat javë të interesojnë.
- 2
Stafi e shikon spotin
Skedari kontrollohet kundër rregullave dhe specifikimit teknik. Aprovohet vetëm ajo që është parë deri në sekondën e fundit.
- 3
Aktivizohet
Pagesa konfirmohet me dorë nga stafi — si te paketat. Rezervimi kalon në «aktiv», spoti hyn në rotacion dhe vendi nis të numërohet lart.
Për tani nuk ka ngarkim vetë-shërbim, dhe kjo nuk është dembelizëm: video është përmbajtja me rrezikun më të lartë te platforma — luan vetvetiu, para çdo vizitori, mbi logon tonë. Ndryshe nga teksti i një shpalljeje, këtu nuk ka mekanizëm të dytë që të shohë çfarë ka brenda skedarit; e vetmja gjë që e sheh është një njeri që e luan deri në fund. Prandaj spoti kalon nga ne para se të hyjë në rotacion.